Shillong, Nailar 17: Ha ka jingialang kaba la long mynta ka sngi ka Mawlai Town Dorbar kala shim ia ka rai ba kin nym ia shim bynta ha ka “Pecae Committee” lada ka sorkar kam weng kam ia ki pulit ba don kti ban siat ia u bah Cheristerfield Thangkhiew.
Ha kane ka jingialang kaba la long mynta ka sngi ka Mawlai Town Dorbar kala dawa na ka sorkar ba ka dei ban weng kam noh ia kito kiba don kti ban siat ia u bah Cheris, lada ka sorkar kam pat weng kam ia ki pulit kiba don kti kin nym ia shim bynta ha ka jingialang jong ka “Peace Committee” bakal khot da ka sorkar.
Ha kane ka jingialang na ka liang jong ka Dorbar kala shim ia ka rai ba ka sorkar ka dei ban aiti ia kane ka jingtohkit sha ka National Human Right Commission jong ka Ri India ban tohkit halor kane ka jingshah siat u bah Cheris ha ki pulit ha iing sah jong u.
Ki dorbar shnong bad ki seng bhalang jong ka Mawlai ki pynrem jur ia kane ha ba ki pulit ban dkhat jubor ia ka jingim u bah Cheris bad ba kim tip shuh wat ia ki khun ha kaba kila pynlong pynban ia ki kum ki nongbut.
Naka jingmih kaba la jia ha ka 15 tarik mynta u bnai, ban wanrah ia jingshong suk ia mynta ka sorkar kam dei ban wanrah ne buh pulit hapoh ka shnong Mawlai, ia kane kila ia kren bad ka Deputy Commissioner jong ka East Khasi Hills, la kyntu ia ka sorkar ba kan pynkup bor ia dorbar shnong, la ong u bah Herlambok War rngbah ka shnong Iewrynhep.
