Shillong, Risaw 25: U Myntri rangbah ka jylla u Conrad K Sangma u la ong ba ym dei ban khuslai ka pisa ka biang ban siew ia ka tulop jong ki nongtrei sorkar bad ban siew ia kiba dei ban siew ia kiba don kam.
Halor ka jingkynnoh ba kane ka sorkar mynta kam don pisa, na ka liang jong u myntri rangbah u ka kren shai ba ka kam don kata ka jingduna pisa, ban siew ia ka tulop jong ki nongtrei sorkar bad ia kiwei ki jingdon kam kam don jingeh ei ei.
Haba ia dei bad ki Bill kiba la sah teng kane kam dei ka jingeh tang ia kane ka sorkar kaba mynta hynrei kine ki dei kiba la don mynta la bun bun snem bad kane ka juh jia na ka por sha ka por, na ka liang jong u myntri rangbah u la ong ba haduh mynta ym juh kynnoh iano iano.
U myntri rangbah u la ong, kala don ka jingktah naduh ba ka “Fourteen finance Commission” kala pynduna ia ka jingmang ia ki skhim jong ka sorkar pdeng, ka jingkhang ia u dewiong ka sorkar kala duh shibun ka khajna ha pdeng kine ki jingeh ban siew ia ka tulop jong ki nongtrei bad kiwei ki jingsiew kiba don kam kam don jingeh ei ei.
Ka jingeh ka long ban siew lut ia ki bill jong ki briew ka sorkar kan nym lah ban siew shisien siew hyrnei ka ialeh ban siew ia ki namar kine ki lang na ka por sha ka por bad ka sorkar ruh ka siew man ka por ban pynkhuid ia ki bill shisien siew ia kata te yn nym lah.
Na ka liang jong ka sorkar kala ialeh ban pynbeit ia ka rukom lum khajna kaba ka sorkar ka dei bad leh bad ka jingkiew ha ka jinglum khajna kala kiew da 17% ban ia ki por kiba la leit noh, ka sorkar ka wad ki lad ki lynti kumno ban pybha ia ka jinglum khajna.
