Shillong, Nailur 09: Ka HYC ka dap da k
a jingsngew lyngoh ban iohi ba ki seng sain hima ki la sdang ia kren biang ia ka railway line ha ka Bri u Hynniewtrep. Ka seng ka buh Jingkylli ba don aiu ha lyngdet kaba pynkhoh reh ia kine ki seng sainhima ban ia kren railway.
Ka Seng ka kwah ban kren Shai ba ka pyrshah ia ka railway kit briew bad ia ka rel kit tiar, ym dei ban ia kren ne phohsniew railway ha ka Bri u Hynniewtrep kat bym pat ioh ia ka Inner line permit bad ki wei ki Ain ban pyrkhing ia ka jingwan tuid ki bar Jylla bad bar ri ha Meghalaya.
Pyntreikam shwa ia ka ILP bad ki wei ki Ain iada Ri bad tang hadien kata kin sa ia phylliew jingmut janai ia kata ka railway. Ka Seng kam sngew iahap ia ka jingong ba ka Rel kit mar Kam lei lei , namar ka railway kan dei ka railway hi bad baroh ki train kin iaid Beit khamtam kito ki train kiba iaid lyngba ka Jylla.
Ka Jing pyrkhat ban shah tang ki train kit mar ka long kum ka jingshah sngewbha ia ki dohlieh ban shna surok ha ka Bri u Hynniewtrep bad Suki Suki ki synshar syndon bad Kan dei ka Jing bakla kumba bakla shim Jylla khlem pud ha ki snem ba ioh Jylla. Kum ka Jaidbynriew ngim dei shuh ban dang Rai bakla .
Ka HYC ka kwah ban pynpaw ruh sha ki Bor ka sorkar India bad sorkar Jylla ba wat nym shim kabu ia ka jinglong jingman ka khlam COVID-19 ban shna Railway ha ka Bri u Hynniewtrep.
Ka HYC ka ai khublei kyrpang ia ka KHADC ba ka la shim ka Rai ban nym ai land NOC ban shna Railway bad ngi kyntu ia ka JHADC , ia ki Trai kyndew bad ki Dorbar trai Ri naduh ki Dorbar shnong , Dorbar Raid bad ki Dorbar Hima ban ia pyrshah lang ia ka railway. La ong u Bah Roykupar Synrem General Secretary ka HYC seng kmie.
