Ym don ba wan kam trai ia ka Them Motor dei ba aiwai u Syiem Mylliem sha ka sorkar: Conrad

Shillong, Risaw 11: U Conrad K Sangma mynta rangbah ka jylla mynta ka sngi u la pynskhem ia ka  kaiphot jong ka High level Committee bad ka sorkar haba ka leh kan leh katkum ki kyndon jong ka ain ban pynkynriah ia kiba sah ha Iew Mawlong.

Halor ka jingkwah u symbut myntri rangbah ka jylla Punjab ban ujor sha u myntri kam poh iing ka sorkar pdeng u Amit Shah, u myntri rangbah ka jylla Meghalaya u la ong ba iakta kan nym khang namar kan don ka jingsngew iala ki jong ki briew ia kata ym dei ban sngewpher u don ia ka hok ban kren.

Haba ia dei bad ka jingkam trai ia katei ka jaka, u myntri rangbah u la ong ba ka High Level Committee (HLC) kala bthah ia baroh da lada don mano mano ban pynshisha ia ka jinglong trai ha katei ka jaka hynrei ym don ba wan kam trai ia ka Them Motor ban wan ai kano kano ka jingthoh wat la la ai por bun bun sien. U Myntri rangbah la ong ba ia kane ka jaka la ai wai da u syiem Mylliem sha ka sorkar.

Haba ia dei bad ka jingkam ba ka don kata ka Status Quo, na ka liang jong u myntri rangbah u la ong ba ka sorkar kan mudui pyrshah ia kata ladei wat sha ka iing bishar kaba hakhlieh duh jong ka Ri India, namar ka sorkar kan nym leh kano kano kaba long pyrshah hynrei kan leh katkum ki kyndon ain.

U Myntri rangbah u la kren shai ba kane ka jaka ka dei kaba la ai wai da ka Hima Mylliem sha ka sorkar, ia ki nongtrei ka sorkar kiba don ha kane ka jaka ka sorkar kan ai jaka sah shawei kam dei ba ka sorkar kan nym ai jaka sah iaki, ka sorkar kan nym weng jubor.

Ka sorkar kala bthah ia ka tnad pynroi sor ba kan wat jaka na ka bynta jong ki ban pynsah ia ki briew kiba yn sa pynkynriah na katei ka jaka, ka sorkar kan nym leh klumar hynrei kan leh katkum ki kyndon jong ka ain ban pynkynriah ia ki briew.

U Myntri rangbah la ong ba kane ka kam ka dei kaba la slem bha bad kam long kaba suk ban pynbeit tang ha ki khyndiat sngi, ka HLC kala shong ban bishar bniah bha ha dien ka jingiamir jingmut bad ka jingiakynduh ia kiba bun ha dien kata kasa ai ia ka kaiphot sha ka sorkar.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet