Shillong, Nailur 14: U Director ka tnad ka koit ka khiah u Dr Aman War u la kren shai ba kane ka jingpang khlam COVID-19 kala saphriang sha ki paidbah bad kam don dawai ban pynkoit ia kane ka jingpang, ban iada na kane ka jingpang but ia ki lai tylli ki dak SMS.
Ka “Social Distancing” jingpyniajngai iwei na iwei, “Mask” deng ia ka jingdakhmut bad ka “Sanitization” sait ia ki kti man ka por, kine ki long kita ki lai tylli ki dak kaba ki paidbah ki hap ban iada ia lade na kane ka khlam COVID-19 lada baroh ki but ia kane kan iada ban pynduna ia kane ka jingpang.
Na ka liang jong u Director ka tnad ka koit ka khiah u la maham tyngeh ba lada ki paidbah kim bud ia kitei ki lai tylli ki kyndon kan wan rah ia ka jingeh bad kane ka jingpang kan dang saphriang shuh, hynrei lada but ia kitei ki kyndon kan iarap ban pynhiar ia kane ka jingpang.
Kane ka jingpang kam map iano iano ruh, kan long ka jingsngewsih ia ki iing ki sem lada don kiba test Positive, kane ka pork am dei shuh ka por ban ia buh jingkylli hynrei ka long ban ia snoh kti lang da baroh ban iada ia kane ka jingpang haba ki don ki jingduna kdew ban pynbha.
Ki nongtrei ka tnad ka koit ka khiah, ki bor sorkar, ki bor jong ka District kila aiti ia lade ban trei ia kane ka kam ban iada na ka jingpang, lada baroh ki but ia kitei ki lai tylli ki dak SMS, kan iada nyngkong ia ka iing ka sem, ka shnong ka thaw, bad ia ka jylla hi baroh kawei.
Na ka liang jong u Director u la ong ba ki don ka jingkyrmen ba ki lah ban iada ia kane ka khlam lada ka don ka jingiatreilang haduh ban da ioh ia ki dawai dashin ban sumar ia kane ka jingpang ha ryngkat ki jingduwai, ka jylla ka duwai na kane bynta kane ban iada ia kane ka jingpang.
Ki paidbah mynta ki dei ban shim ba baroh ki long positive bad haba shim ba ki long positive ki dei ban sumar ia lade bad haba sumar ia lade ka iada ia ka imlang sahlang ka shnong ka thaw bad ia ka jylla baroh kawei.
