Ym lah ban shu khang dam sah, la aiti sha ki DC ba kin peit katkum ka jingdon kam: Conrad

Shillong, Jylliew 9: U Myntri Rangbah ka jylla u Conrad K Sangma u la ong ba wat la ka don ka jingkhang dom ha baroh kawei ka jylla ban iada na ka jingsaphriang kane ka khlam jingpang COVID-19, hynrei na ka liang jong ka sorkar kala ai bor sha ki Deputy Commissioner ba kin shim ia ka rai katkum ka jinglong jingman ha ki District kaba ki peit.

U myntri rangbah u la kren shai ba ka jinglang jingman na kawei ka District sha kawei pat ka don ka jingiapher kumta yn nym lah ban buh ia ka juh ka jingkhangdam dei halor kane ba ka sorkar kala bthah ia ki DC ba kin peit katkum ka jingdon kam ha ki Distrik ban dang khang ne ban pynlait.

Haba kren ha ki lat pathai khubor mynta ka sngi u myntri rangbah u la ong ba wat la ka jingkhang dam ha ka jylla baroh kawei ka dang iaid, hynrei ki DC kila pyndjari ia ki jingpynbna katkum ka jinglong jingman jong kito ki District, ha ki jaka ba ka jingpang kala duna ne kam don shuh ki DC kila shim ia ka ria katkum ka jingbit ka jong ki.

Haba ia dei bad ka jingpang ha ka jylla la long ba wat la kala hiar, hynrei kam pat long ban shim stieng hap ban ia shim khia da baroh lang namar kumba ka long mynta kiba shitom ki dang palat spah.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet