Shillong, Risaw 22: Ka tnad pyniaid kali jong ki pulit mynta ka sngi kila pyntip ba la sngi Saitjain bad sngi u blei ban wan yn nym shah ban iaid kali sha Golflink namar kan don ka jingialehkai IIM Golf Tournament.
Ha kane ka jingialehkai bun bah ki briew na kylleng kin poi sha kane ka jingialehkai , kumta ban pynlait na ka jingkhap ngiah kali kumta la khang ban nym shah iaid kali naduh ka por san baje mynstep haduh san baje jan miet.
Ha katei ka por ba la buh baroh ar sngi, yn nym shah iaid kali na Golf Club sha P.T.S bad Lum Shyiap, yn nym shah iaid kali na Lad Shyiap na Tiara Restourant ban rung sha Golf Club bad yn nym shah ban rung kali na P.T.S sha Lad Sanker ban poi sha Golf Link.
