Shillong, Naiwieng 06: ka long ka sien kaba nyngkong eh ba kum ka sorkar na ka jylla Meghalaya ba kan leit ban jngoh ia ka iing u Syiem Jaintiapur ha Bangladesh, hapoh ka jingialam jongu myntri rangbah ka jylla u Cornad K Sangma.
Haba ia dei bad kane ka iing syiem jong u syiem Jiantiapur, u myntri rangbah u la ong ba kane ka dei ka sien kaba nyngkong ba ki briew jong ka sorkar na Meghalaya kin leit ban jngoh ia kane ka jaka kiba dang sah mynta sa tang ka jingkynmaw.
U Conrad u la ong ba ha kane ka jingleit ban jngoh ia kane ka jaka kila iohi ia ka jaka kaba u syiem u shong ban bishar paidbah, ki jingtei ki la pra hynrei ki dang don ki jingtei kiba dang ieng haduh mynta bad ia kane ka jaka dei ban pynneh pynsah.
Na ka liang jong u myntri rangbah u la ong ba yn sa ia kren bad ka sorkar pdeng ban iarap pisa sha ka ri Bangladesh na ka bynta ban pynneh pynsah ia kane ka jaka kaba don nam bad ban sumar ia ka.
