Shillong, Nailar 19: U Symbut Myntri Rangbah ka jylla u bah Prestone Tynsong mynta ka sngi la iathuh ba la sngi u blei ynia kynduh u myntri rangbah ka jylla u Conrad K Sangma bad u myntri rangbah ka jylla Assam u Himanta Bisawa Sarma ban ia kren pynbeit pud ha ka kylla kaba ar.
Haba kren ha ki lat pathai khubor mynta ka sngi u bah Prestone la ong ba ynda myntri rangbah ka jylla u wan phai na Tura un ia kynduh ia u myntri rangbah ka jylla Assam ban ia buh sngi ban ia kynduh biang ban ia kren ha ka jylla kaba ar ia ka jingiapynbeit pud.
La iathuh ba ha dien kane ka jingiakynduh ki ar ngut ki myntri rangbah ka jylla kin leit phai sha la ki jong ki jylla bad ban ia pynbeit ban pynmih ia ka jingpynbna sorkar ban thaw ia ki “Regional Committee” kumba la leh ha ka kylla kaba nyngkong.
Haba ia dei bad ka jingiakynnoh pyrshah ia ki Smartmeters u bah Prestone u la ong ba ki ophisar ki dang peit bniah ia ka kaiphot ynda la dep ym buh hapoh ka website ban ia tip paidbah, hynrei u symbut myntri rangbah ka jylla la ong ba kam don kano kano ka jingshem ba kan don kata ka jingpyndon kam bakla ia ka bor ne ha ka liang ka pisa.
La ong ba ka jinglap jong ka HYC lyngba ka RTI ka dei shibynta ia mynta ym pat lah ban batia bniah namar ka kaiphot ka long kaba jrong ynda la dep pule ynsa buh ha website ban ia tip paidbah.
