The Union Minister for Information & Broadcasting, Youth Affairs and Sports, Shri Anurag Singh Thakur addressing at the felicitation ceremony of the Tokyo Paralympics medalists, in New Delhi on September 08, 2021.
New Delhi, Nailur 19: U Myntri Sorkar Pdeng ba dei peit ia ki Kam Ialehkai, u Anurag Thakur un sa iakren lyngba ka bor internet bad ki Myntri Sorkar Jylla bad ki Union Territory ha kylleng ka ri ha ka sngi Nyngkong ban iakren ia ki kam ban kyntiew shuh shuh ia ki kam ialehkai ha ka ri.
Hadien ka jingjop jong ka lympungialehkai Olympics bad Paralympics ha Tokyo, u Thakur un ioh jingtip na ki jylla bad ki UT ia ki lad ba shakhmat bad kumno kin nohsynniangsha ka thong ban pynlong ia ka India ka ri kaba tbit ha ki kam ialehkai.
Ha kane ka jingiamir jingmut yn donlang ruh u Myntri khynnah jong ki kam ialehkai, u NisithPramanik. Ki prokram ba kyrpang jong ka Sorkar India, ka Khelo India bad ka Fit India, kin long ki bynta ba kongsan jong kane ka jingiamir jingmut.
Ki kam ialehkai ki hap hapoh ka jingpeit jong ki jylla bad ka jingthmujong kane ka jingiakren ka dei ban kyntu ia ki ban pynlong ia ki rynsan ialehkai ha ki jaka nongkyndong bad ruh ha ki jaka sor na ka bynta ki nongialehkai kiba don jingduna dkhot met bad ruh ban peit iaka jingwad ia ki nongialehkai kiba don sap na ki jaka nongkyndong.
Ka jingkyntiew ia ki kam ialehkai ha ki skul bad ka jingkyrshan ia ka School Games Federation of India (SGFI)ka dei sa kawei ka phang jong ka jingiakren. Yn kyntu ia ki Jylla bad ki UT ba kin buh ia ki song tyngka ha kaba ka Sorkar Pdeng bad ki Sorkar jylla ki lah ban theh pisa.
Ka Khelo India Games, kaba la pynlong nyngkong ha u snem 2018 ka la wanrah shibun ki jingkylla ha ki kam ialehkai ha ki jaka nongkyndong jong ka ri. Naduh kane ka por, la dep pynlong shibun ki rynsan Khelo India kaba kynthup ia ki jingialehkai jong ki Samla, ki Skulbah bad ki Winter Games.
Ka rynsan Khelo India ka la pdiang ruh ia ka jingkyntiew ia ki jingdon jingem ha ki kam ialehkai ha ki Jylla bad ki UT kum ki Khelo India State Centre of Excellence (KISCE) bad kiKhelo India Centre (KIC).
Mynta, ki don 24 tylli ki KISCE ha 23 tylli ki Jylla bad ki UT bad la plie 360 tylli ki KIC ha ki distrik bapher bapher jongka ri. Ha ka jingialang ban long lashai, u Thakur un iakren shaphang kine bad un kyntu ia ki jylla ba kin trei shitom ban pynbiang lut ki jingdonkam kaba kynthup ruh ia ki nonghikai, ki lad ai jingsumar kiba biang tam.
Yn don ruh ka jingiakren halor ka jingwad mardor ia ki khynnah kiba tbit ha ki kam ialehkai lyngba ki rynsan ialehkai bad ha ki jaka pule ha ki Jylla bad ki UT, ha ki block bad ki ditrik.
Ka Fit India movement, ba laplie ha ka National Sports Day 2019 da uMyntri Rangbah Duh ka ri, u NarendraModi ka la wanrah ia ka jingkylla ha ka jingpdiang ki briew ia ka jingkilan met lyngba ki prokram bapher bapher kum ka Fit India Freedom Run, ka Fit India Mobile App, Fit India Quiz, bad kiwei kiwei. Lashai, u Thakur unsa kyntu ia ki Myntri kiba peit ia ki kam jingialehkai ha ki Jylla bad ki UT ba kin iashim bynta bad kyntiew ia kine ki prokram.
U Thakur un sa kyntu ruh ia ki Jylla bad ki UT ba kin phah ia ki jingai jingmut jong ki ban seng ia ki KISCE, ki KIC bad kiwei kiwei ki jaka ai jinghikai ban pynkhlain shuh shuh ia ki kam ialehkai ha ka ri.
