PM addressing the gathering at the inauguration of SEMICON India 2024 at India Expo Mart, Greater Noida, in Uttar Pradesh on September 11, 2024.
New Delhi, Rymphang 15: U Myntri Rangbah Duh, Narendra Modiun iashim bynta ha ka Bharat Tex 2025 ha ka 16 tarik u Rymphang ha ka por kumba 4 bajejanmiet ha Bharat Mandapam, New Delhi. Un ai jingkren ruh ha kane ka prokram.
Ka Bharat Tex 2025, ka prokram kaba heh bha, ka ban long naduh ka 14 haduh ka 17 tarik u Rymphang ha Bharat Mandapam, ka long kaba kyrpang namar ka wanrah lang ia baroh ki kam kiba iadei bad ka jingpynmihjain naduh ki mar ba donkam ban shna jain haduh ki jain ba la dep shna bad kiwei kwei ki jingdeng ha kawei ka jaka.
Ka rynsan Bharat Tex ka dei ka prokram kaba heh tam kaba iadei bad ka kam pynmih jain kaba pynlong ha ar tylli ki jaka ban pyni ia baroh ki bynta jong ka kam pynmih jain. Kan don ruh ka jingialang ka ban don 70 tylli ki bynta, ki Roundtable, Panel Discussion bad ki master class.
Kan don ka jingpyniia ki mar ha kaba yn don ka bynta jong ki Jingsaindur ba Kyrpang bad ki jaka ba kyrpang jong ki Start up. Kan don ruh ki hackathon ba don nongrim ha ka Startup Pitch Fest bad ki prokram ba kyrpang na ka bynta ki jingsaindur thymmai, ki Tech tank bad ki jingiakhun ban saindur kiba plie lad ia ki startup lyngba ki nongbei tyngka.
La khmih lynti ba ka Bharat Tex 2025 kan khring ia ki nongthaw polisi bad ki CEO na kylleng ka pyrthei, palat 5000 ngut ki nongpynitiat, 6000 ngut ki nongthied mar na palat 120 tylli ki ri bad kiwei kiwei ki nongwan.
Palat 25 tylli ki kynhun kiba iadei bad ki jain na kylleng ka pyrthei ba kynthup ia ka International Textile Manufacturers Federation (ITMF), International Cotton Advisory Committee (ICAC), EURATEX, Textile Exchange, US Fashion Industry Association (USFIA) bad kiwei kiwei kin wan iashim bynta lang.
