Shillong, Nohprah 18: Ka Federation of Khasi States kala ai dorkhas sha u myntri rangbah ka jylla u Conrad K Sangma ban kyntu
ia ka Sorkar MDA ban shim khia ban ia kren halor ka Instrument of Accession bad Annexed Agreement 17 August 1948.
Ha kane ka jingiakynduh na ka liang jong u myntri rangbah kajylla u la ai ka jingkular ban khot kyrpang ia ki Khlieh Nongsynshar ban ia kren halor kane ka phang.
Lah ban pynkynmaw ba ka FKS ki la phah ia ka dorkhast ban pynkynmaw ia ka jingthoh kham mynshwa halor ka ILP kumjuh ruh ka kyntu ban ioh ka jingiada kaba kyrpang ha ka Article ha ka ban pynpaw shai ia ki hok jong ka jaidbynriew Khasi.
Ka IOA & AA ka khang ia ki Ain Ri India ba kin shu trei khlem da mynjur shuwa ki Hima Khasi States bad ba kan wanrah ia ka jingsuk ha ka synshar khadar hapoh ka jylla khamtam hapoh ka Ri Khasi.
Ha ka jingiakynduh bad u Myntri Rangbah ka jylla la don lang u Paiem PM Syiemlieh, Syiem Hima Nongkhlaw bad u nongai buid ka FKS, u Paiem KM Syiemlieh, President, FKS, u Bah H L Ryntathiang, Lyngdoh Hima Lyngiong, bad General Secretary, FKS, u Bah W Syiem, Sirdar Hima Nongpoh, jt Secretary, FKS, u Bah John F Kharshiing, Adviser & Spokesperson, FKS.
