Shillong,Jylliew 18: Ka International Union for Conservation of Nature (UCN) ka dei ka kynhun kaba la ithuh da ka United Nation ka general assembly ha kaba ka ri India kan dei ka dkhot naduh snem 1969 ia kaba la mihkhmat daka tnat khlaw jong ka ri India sha kane ka kynhun.
Mynta u snem ka UCN kala khot ia ka secretary Meghalaya International Exporters Chamber of Commerce, Ka kong Dolly Khonglah kawei na ki long kmie kaba la paw bha ha kane ka jylla ha ki kam khaii sha bar ri ba kan ia shim bynta ha ka jingialang kaba laisngi ka ban sdang ha ka 23 bad kut ha ka 25 u Naitung 2025 ka ban long ha Bangkok,Thailand.
Naduh u snem 2018 ka IUCN ka la ju pynlong ia ki jingialang bad jing ia mir jingmut kumno ban pynneh pynsah ia ki khlaw ki btap ki um ki wah namar kine ki long kiba kongsan ban pynneh namar ba palat 50 million ngut ki briew ha Bangladesh bad India ki shaniah ia ka ioh ka kot ka jong ki da kaba pyndonkam ia ki tyllong um.
Ki jaitbynriew riewlum, kum ki khasi, ki Garo, ki Jaintia, na ka liang ka IUCN kane ka jingialang kaba ar Meghna Knowledge Forum (MKF) ka ban sa long lai sngi ha Bangkok ia kane ka jingialang la khot ban pynlong da ka IUCM, ka South Asian university New Delhi bad ka Asian Institute of technology, Bangkok.
Ka kong Dolly Khonglah haba kren ha u SP News Agency kala pyntikna ba kan leit ban ia shim bynta sha katei ka jingialang kaba laisngi ha ri Thailand, haka juh ka por kala ong ba ka long kaba donkam ban pynneh pynsa ia ki um ki wah, ia ki khlaw ki btap khamtam eh ha kane ka juk kaba mynta ha kane ka jingkylla jong ka mariang.
