Shillong, Risaw 18: Shi bynta naka ka jing nohsynniang ban iarap iaki khynnah skul, yn pynlong ia ka 5 la 1 Mile thong Mareh, kaba kynthup ia 5 tylli ki jaka ha ka jyla Meghalaya. Ka jingthmu jong kane ka jingiamareh ka long ban iarap ia ki khynnah skul ban nym pep skul na ki long iing kiba duk.
Ha ka kyewoh kaba la phah mynta ka sngi da u James M Perry bad ka kong Valariena Syiemlieh ki la ong ba man u snem la bun palat ki khynnah ba pep noh ban leit skul, tang na ka daw ba ka long ing kam la ban siew ia ka bai kot bai pla skul.
Shi bynta ban iarap iakane, Ka MaplePine Bed and Breakfast ka trei lang bad ka jing iasnoh bad Ka Hill Mount School, Lyngiong, Ka Seng Samla Saitsohpen, Ka Seng Samla Gate, Neng Gate bad Phlangshlan Pynursla, bad ka Bamaeri Resort bad Umta Village, Ri Bhoi, ban iarap katba lah ban ai ki kot ki sla bad ka jingdonkam iaki khynnah ba duk ban ioh bteng ka leit skul la u snem 2020.
Haduh Mynta, la mang haduh 1 lak 50 hajar na na ka jing ia noh synniang na ki paralok parajor. Ka Pisa ba mih na ka ba noh synniang kan iarap ia ki khynnah ba duk, ban pynthied ia ki kot ki sla, pla skul, ka instrument box bad kiwei kiwei ki jingdonkam, ban kot haduh 3000 tyngka ia man iwei pa iwei I khynnah.
Ka race series buskit la ai sngewbha da ka MaplePine Farm Bed and Breakfast bad ka Cultural Pursuits Adventures. Ki jingiamareh ba la buh ki don 5 jaka ba pyniaid da ki ba na kito ki jaka. Man ka jingiamareh ka dei 1 mile ne 1.6 km.
Ki jaka ban pynlong kine ki jingiamareh kan long ha ka 14 tarik Nohprah 2019 ha Hill Mount School, Myria Lyngiong, Kaba ar, 28th Nohprah 2019 ha Saitsohpen, Sohra, Kaba lai 18 Kyllalyngkot 2010 ha Pynursla, Kaba saw ha ka 01st Rymphang 2010 ha Bamaeri Resort Umta Village Ri Bhoi district, bad ka ba 5: ha MaplePine Farm Bed and Breakfast Lyngkien.
Ka jingiamareh kan long beit shimile bad ka buskit banpynlut ia ki nongiashim bynta ka long ar lak tyngka, Ia kiba wan ba nyngkong shynrang bad kynthei kan long T.20,000/- kiba wan ba ar T.10,000/- bad kiba wan balai T.5000/- . ia ki khynnah bar it eh ka jingai buskit kan long T.5000/- T.3000/- bad 1500/-.
Ban ioh bynta haka thong ban jop iaka series ki nongshimbynta ki hap ban pyndep ia 3 tylli naki race ba la kdew haneng. Ka jingkhein kadei naki ba sted duh haki ta ki lai tylli ki jingiakop.
Kiba kwah ban shim bynta ki lah ban ioh jingtip ba kham bniah bad ki form ha kine ki jaka, bai rung kadei 300. tynka shi race ne 1200. ban shim bynta ha baroh 5 tylli ki jingiakop. Ki Khynnah ba hapoh 17 snem ka bai rung kadei 150. tynka shi race, ne 750. ban shim bynta ha baroh 5 tylli ki jingiakop.
Lah ban ioh iaki form na Hotel Alpine Continental Lake View Inn opposite State Bank Main Branch, Neo Sports Bara Bazar opposite Godwin Hotel: Hill Mount School Lyngiong, Phermoon khonglam Store Pynursla, Dawn Studio bad Vizel Enterprise, Lad Thanat Saitsohpen,Huns Hardware Mawngap.
