Yn sdang 551 tylli ki jaka pynmih oxygen ha ki jaka ai jingsumar ha kylleng ka ri

New Delhi, Iaiong 25: Katkum ka jingbthah jong u Myntri Rangbah Duh ka ri ban kyntiew ia ka jingpynbiang oxygen sha ki hospital, ka PM CARES Fund ka la ai jingmynjur ban mang tyngka na ka bynta ka jingsdang ia 551 tylli ki jaka pynmih oxygen Pressure Swing Adsorption (PSA) ha ki jaka ai jingsumar ha kylleng ka ri.

U Myntri Rangbah u la ong ba kine ki jaka pynmih oxygen ki dei ban dang treikam noh kloi katba lah. U la ong ruh ba kane kan kyntiew ia ka jingpynmih bad pynbiang oxygen ha ki distrik.

Ia kine ki jaka pynmih oxygen yn seng ha ki hospital sorkar ha ki distrik headquarter ha ki jylla bad ki UT. Ia ka jingthied yn leh lyngba ka tnat ka koit ka khiah jong ka Sorkar pdeng.

Ha une u snem, ka PM CARES Fund ka la mang tyngka haduh T. 201.58 klur ban sdang haduh 162 tylli ki jaka pynmih oxygen Pressure Swing Adsorption (PSA) ha ki jaka sumar jong ka sorkar ha kylleng ka ri.

Ka thong jong ka jingseng ia kine ki jaka pynmih oxygen PSA ha ki hospital sorkar ha ki distrik headquarter ka dei ban pynkhlain shuh shuh ia ki lad ai jingsumar nongpang bad ban pynthikna ba man ki hospital ki lah ban pynmih oxygen.

Kane ka kam ban pynmih hi ia ka oxygen ha kine ki hospital kan pyndap ia ka jingdonkam oxygen man ka sngi ha kine ki hospital bad hapoh ki distrik. Shuh shuh,ka Liquid Medical Oxygen (LMO) kan long kum ka ‘top up’ ia ka oxygen ba pynmih hi ha kine ki hospital.

Kane ka rukom treikam kan pynthikna ba kan ym don kano kano ka jingduna oxygen ha ki hospital ha ki distrik bad kan pynthikna ba kin lah ban ai jingsumar ia ki nongpang COVID-19 lane kino kino ki nongpang kiba donkam oxygen.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet