Shillong,kyllalyngkot,13: Ka seng HANM-Jaintia Hills ka la pynrem jur ia ka jingslem jong ka Sorkar MUA-II lyngba ka Public Work department (PWD) ba ka la leh klet ban maramot ia ka surok bah NH-44 hapoh ka Ri Jaintia.
Ka seng ka la dep buh dorkhas ha ka 23-04 2013 sha U Minister jong ka PWD ( Ma Sngebha Dhar )ha ka dorkhas ka seng ka kyntu ia ka sorkar ba kan shna ia u surok kloi kloi bad ka seng kala maham ruh lada ka sorkar kam sngap kan shim ia ka lad jingiakhih, ha dein ba ka seng kala dep buh ia ka dorkhas ka la shah khotsngewbha ban ia kren sngewthuh ha U ADC ka East Jaintia Hills Bah S . Laloo, ha kane ka jingiakynduh jong ka seng U Ma Laloo u la kular ban shimkhia la kumno kumno yn sdang shna ia u surok na duh u November .
Ka seng ka la ap khmih lynti da ka jing kyrmen ba ka sorkar kan leh katkum ba la kular da ki officer jong ka hapoh ka Jaintia Hills.Hynrei phewseh ka jubanlak jong ki nongialam District ka kylla thylliej khlem shyiang pynban, Lada kumne ki nong ialam ka District ki buh tang ka jingkular khlem da pynseisoh, hangno ki paidbah jong ka District bad ka State hi baroh kawei kin shaniah ia ki.
Ym lah ban len ki paitbah jong ka thain Jaintia Hills khamtam hapoh ka East Jaintia Hills ki kynduh shibun ki jingeh ha ka leit ka wan, bad shibun ki kam ba ki thmu ban pyndep hynrei kim lah ban pyndep tang shisngi , tang na ka daw jong ka jingsniew u surok, Wat ki nongtrei jong ka office U DC ruh ki kynnoh ba ki dier ban wan sha office namar ki shah ktah ha lynti namar ba block ka kali tang namar ba sniew u surok.
Ka seng kala buh U dak jingkylli u baheh ia ka sorkar MUA-II “Ko Sorkar U Mukul la duh mynno phi la pynduh pyndam ia ka office trei kam (Department) jong ka PWD? kan leh aiu ban buh Minister PWD? Bad laduh mynno phi la pynduh pyndam ruh ia ka post Mahiral bad kiwei kiwei ki officer jong ka? Shano jah kata ka Annual Report jongphi, ne phi ia sam ia ka bhah jong ki paitbah na ka bynta katei ka office. Lada ym dei kumta balei phi matlah ha duh katne katne namar wat u myntri Rangbah badon burom jong ka Meghalaya Dr Mukul sangma ruh u la iohi la ki jong ki khmat haka 31-10-13 ha ka por ba u leit sha ka thain Umkiang East Jaintia Hills District
Na ka bynta ka jingmyntoi jong u paitbah ba ka sorkar kam sngap ruh de ka seng kam banes ban shim ia ka rai jingiakhih,kumta ka seng ha kine ki khyndiat sngi kala lum jingialang bad ka la rai ban iakhih da kaba dieng lama iong ha ka 16th -01-2014 kum ka dak ban pynpaw ka jingsngewsih ba ka sorkar kam khien briew ia ki nong shong shnong jong ka thain .Bad lada ka sorkar ka sngap mynthi ia kane ka seng kan pynbud da ka jingiakhih kaba tyngeh tad haduh ba ki paitbah kin ioh suroh ka seng kam shong thait.
Te lada ka sorkar ka pynpaw ia kidak ki shin ha ka jingiadei bad u sorok ka seng kam ban se ban boy cut ruh wat ka election M.D.C, namar kan myntoi aiu ban jied nongmih khmat tang na ka bynta ban pynmyntoi ia u? la pynkut ka kyrwoh na U nongialam jong ka seng HANM –EJHD Samla Ency W Shadap.(SP News)
