Jowai, Jymmang 27:Kum Shi bynta ban kyntiew ia ki samla ha ka jingialehkai phutbol, ka Mukhla Raij Sport Club kan pynlong ia ka jingialehkai ba la tip kum ka 11th Inter Dong Football Tournament 2014, kan ban sdang naduh ka 28 tarik Jymmang ha madan Thadlaskein Mukhla, West Jaintia Hills District ha ka por 3 baje.
Katkum ka kyrwoh ba la pyllait da u Sports Secretary ka Mukhla Raij SC, ma RL Nonglait ka iathuh ba ki don kumba 7 tylli ki klob ki ban iashim bynta ha katei ka tournament.
Ia kane ka tournament yn wan ban plie pyrda da u ma Ebormi Lyngdoh, Rangbah Shnong ka Lad Mukhla, klob ki ban iakhun ha kane ka sngi ki long ka Lad Mukhla SC pyrshah ia ka Iaw Thamblei SC.
Na ka liang jong u Secretary u khot sngewbha ia baroh ki paidbah nongshong Shnong jong katei ka thain ba kin sngewbha ban ia wan sakhi lang ia katei ka jingialehkai khnang ba kan long kaba iphuh iphieng bad kaba jop.(SP News)
