Shillong, Lber05: Ka Nehru Yuva Kendra Sangathan Meghalaya Zone kala plie pyrda ia ka State Level National Integration Camp (NIC) ha ka 6th March 2013 ha ka jingialang kaba iphuh iphieng kaba la long ha Youth Hostel, Shillong ha kaba palat 150 ngut ki samla na kylleng ki bynta jong ka Ri India kila wan ban ia shim bynta kynthup ia ki samla na ka Jylla West Bengal (Cooch Bihar & Jalpaiguri District), Assam (Kamrup, Nagoan & Silchar District), Sikkim (Mangan District), Manipur (Senapapti District), Odisa (Cuttak District) bad kumjuh ruh ki samla jong ka Jylla na kylleng ki District ki bapher bapher kiba la wan poi ban ia shimbynta ha katei ka Camp ba 7 sngi naduh ka 5th to 11th March 2013 ha Youth Hostel, Shillong (Meghalaya). Ka jingthmu ba kongsan jong katei ka Camp ka long ban sngewthuh ia ka rukom im jong ki briew kiba don ha ki jaka bapher bapher jong ka Ri India bad ban wanrah pat ia ka jing ia long kawei hapdeng ki Jaitbynriew kiba shong ba sah ha ka Ri hi baroh kawei.
Ia kane ka State Level National Integration Camp (NIC) la plie pyrda da u Col. Tarun Kumar, Director Army Recruiting Zone, Shillong uba la long kum u Kongsan ha katei ka sngi ha ryngkat ka jing iadon ryngkat u R.P.S.Thakur, Zonal Director NYKS, Meghalaya Zone, u C.P.Lotha, Dy.Director NYKS, Meghalaya Zone, Dr.Salam.D.Singh District Youth Coordinator NYKS, East Khasi Hills District bad kumjuh ruh u Samla Kitboklang Nongphlang , Camp Incharge State Level National Integration Camp (NIC) 2013. Haba kren kum u kongsan ha katei ka sngi u Col. Tarun Kumar u la ong ba kane ka sngi ka pyn kynmaw ia ka jinglong samla ka jong u ha kaba ki samla ki long ka jing pynkhlain pat ia ka Ri India hi baroh kawei da kaba ong ruh ba “Kane ka Ri India kaba ngi ioh mynta kam dei satia ka jing ioh Nongkynti jong kane ka pateng kaba mynta na ki long shw manshwa hynrei ngi shu shim kylliang na ki Pateng kiban sa wan” kumta u la kyntu ia ki samla ba lada ki kwah ban iohi ia ka jingkylla kaba kongsan eh bad kaba donkam tam ka long ban thaw thymmai shwa iala ka jong ka jingim kaba shimet shimet ban tei ia ka Lawei jong ka Ri bad ka Jaitbynriew da kaba ong ruh ba “You cannot Change the world until you change yourself”.
Ha kane ka programme kaba 7sngi linter kin don ruh ki programme kiba pher bapher kynthup ruh ia ka Cultural Dance & Folk Song Competition, workshops and seminars, group discussion, quiz competition etc. Khnang ba ki samla kiba wan ban ia shimbynta sha kane ka lumping kin ioh ka lad ban tip bad hikai shaphang kiba bun kiei kiei ban tei iala ka long ryngieng bad ia ka Ri India hi baroh kawei.(SP News)
