Shillong, Lber 29: Ki nonghikai skul kiba shah thung kam kum ki nonghikai na ka skhim SSA jong ka sorkar pdeng ki la hap ban iaid paidbah ha surok ban dawa ia ka hok ka jong ki ba ki dei ban ioh ia ka tulop jong ki man u bnai.
Kane ka seng kaba la tip kum ka Meghalaya SSA Teachers Association, ki la dawa na ka sorkar ba ka dei ban pynheh noh ia ka tulop ka jong ki kaba ki ioh mynta T.6000 bad ka jingsiew ka dei ban long noh man u bnai.
Katba na ka sorkar pdeng ka la bthah ia ka sorkar Meghalaya ba ka dei ban thung noh ia ki nonghikai ha ki skul kiba pat don ia kine ki nonghikai SSA bad ka pisa kumba ka long ka sorkar pdeng ka la dep ban mang na ka bynta jong ki.(SP News)
