SHILLONG, Naitung 31: Ka president jong ka seng CSWO ka long Agnes Kharashiing ka la ong ba ka dap ka jingsngew kyndit ban iohi ba ia ka philim ‘Red Ant” la weng da ka St Anthony’s ha dien ba la tuklar da ki bor pulit ka la kynnoh.
Ha ka jingpynlait khubor katei ka nongialam katei ka sengmynta ka sngi ka la ong ba ki bor pulit ki dei ban sngewthuh ia ka jinglynga dukha jong ki samla ha kane ka juk kaba mynta ym namar kane ka phlim hynrei na ka daw jong ka jingjyllei palat ki kam bamsap ka laba led da ki briew kiba don ha ka bor.
Ka jingeh jong ki samla ha kane ka juk kaba mynta ka long ha ka ioh kamioh jam bad ka la kdew kti ba bun naki kam mynta la ioh da kito kiba don ka jingiadei kumba la jia ha kaba pyndam sai lieh ha ka kam thung noonghikai bad kaei kaba la jia ha MIDC , ki jingiasait kiba la shupharep, ki jingshah pharep kine ki la ktah ia ka jingmud jingpyrkhat ki samla kane ka juk mynta.
Ki kam bamsap kiba la ktah mat iong ia ka imlang sah lang bad ka kynthoh ba bun na ki pulit ha ka jaka ba kin long ki nongiada ia ka ain ki kylla long ki nongpynkhien ain, bad ki pulit ki shem jingeh ban kem ia ki nongmihkhmat haba la don ka jingkynnoh ruh.ka jingiakhih ka lah ban long na ki pulit ruh haba ym shym la shah ia ki ba kin seng ia ka seng jong ki.
Na ka liang jong ka CSWO ka kyntu ia ki paidbah ba kim dei ban tieng ha kaba peit ia kane ka Phlim “Red Ant”. Ia ki jingshisha ym dei ban buh rieh dei ban ai lad ia ki samla ba kin heh kin san ha ka lynti kaba dei ba kin lah ban shim ia ka rai ia kaba bha bad kaba sniew.(SP News)
