Shillong,rymphang,13: Ka dorbar shnong pamra kmai, East Jaintai hills dist,khliehrait, ka ba la long haka 11-u bnai ba la dep ha ing dorbar Shnong , da ka wei ka jingmut ka larai ban ai ka jingkyrshan ba pura ia u bah Harvis Phawa ba na ka Shnong Jalyiah kum u kyrtong shimet na ka 20-Muthlong- Sohkymphor M.D.C. constituency.
Ia kane ka jingialang la pyniaid da u bah Lukas M Shylla u Rangbah Shnong ka shnong.Napdeng ki lai ngut ki kyrtong kiba ia khun, ki Executive members bad ki paid nongshong shnong shynrang bad kynthei baroh ki la iatai sani bha bad ka shem ba dei tang ma u ba ibit ban long kum u nongmihkhmat jong ngi sha JHADC, namarba u long u nonghikai skul bad u la bat ruh kum u Rangbah Shnong la kumba Hynñiew snem tam bad u long ruh u bala shemphang lypa ha ki kam kijam, u long u ba jemnud bad ba lah ban pyniadei naduh kiba rit haduh ki rangbah um ju don ka mynsien sarong.’
ka Dorbar shnong Pamra kmai hapoh ka jingialam u Rangbah Shnong U Ma Lukas M Shylla bad u General secretary samla Dewanish K Siangshai la wer lang ia phi ki paid na ki shnong bapher bapher hapoh ka constituency ban ai ka jingiakyrshan lang khnang ba un poi sha ka thong.
Ha ka juh ka por ka Dorbar shnong ka la rai, ba hadien bala kut ka election compaign kala khang pyrshah ia kino kino ki candidate ne ki nongkyrshang jong ki ba kin ym lah ban rung shuh sha ki iing ki sem jong ki nongshong shnong khnang ban lait na ki kynrum kynram hapoh ka shnong ka thaw.(SP News)
