Shillong, Lber 19: Ka Hima Mylliem Youth Welfare Organisation (HMYWO) ha ryngkat ka jing ia trei lang bad ka Krishi Vigyan Kendra (KVK) lyngba ka jing bei tyngka da ka Nehru Yuva Kendra Sangathan (NYKS), Shillong ha ka 18th Lber 2013 ka la plie pyrda ia ka “SKILL UPGRADATION TRAINING FOR WOMEN” kum shibynta ban ai jing hikai ia ki samla kynthei bad ki Longkmie ruh kumjuh kumno ban saindur iala ka jong ka jingim da kaba ieng hala ki jong ki kjat da kaba pyndonkam tang da ki jingthung jingtep kiba u Blei u la kyrkhu kyrpang lyngba ka khyndew kaba sboh ha kane ka ri kaba ieit eh ka jong ngi.
Ha kane ka Training kaba 5sngi lynter i.e. (18th – 22nd March 2013) yn ai jing hikai kaba kyrpang kumno ban sha ia ki Jam, Umsoh, Achar bad kiwei kiwei kaban long ruh kum shibynta ban pynshlur ia ki Nongrep kiba shong ba sah ha ki Thain jong ka Upper-Shillong, ha kaba la wan ban iashimbynta da 30 Ngut ki Samla kynthei bad kumjuh ruh ki Longkmie kiba la jied kyrpang na ka Shnong Mawklot, Mylliem & Mawkriah.
Ha katei ka sngi i.e. 18th Lber 2013 la wan ban plie pyrda ia katei ka “SKILL UPGRADATION TRAINING FOR WOMEN” da u Dr.Salam.D.Singh, District youth coordinator NYKS, Shillong ha ka jing ialang kaba ishongkun namar la iadon ryngkat ruh u Samla Kitboklang Nongphlang, State Youth Awardee uba dei ruh ha kajuh ka por u State Liaison Programme Officer Meghalaya Year of Youth, I Kong Iada Kharkongor Programme coordinator KVK bad u Syiem khynnah jong ka Hima Mylliem.(SP News)
