Shillong, Nohprah 06: Ka tand lum khajana jong ka sorkar jylla mynta ka sngi kala ai jinghikai kaba shi sngi ia ki nongkhaii kane ka nongbah Shillong ba kin tip kumno ban siew ia ka khajana jong ki lyngba ki kor computer ia kaba la tip kum ka e.CST services.
Ha ka jingkren plie ia ka jingialang u Bah J Thangkhiew commissioner secretary jong ka tand lum khajana jong ka sorkar jylla u la ong ba kane ka jinghikai ka long ban pynkhreh ia ki nongkhaii ba kin tip kumno ban siew ia ka khajana na ki jaka trei kam ka jong ki khlem da leit ban pynshitom sha ophis jong ka Sale Tax.
Ha ka juh ka por u la long ba kan nym slem shuh ba ia ka Genenral Servies Taxation (GST) yn sa pyntrei kam ha ka Ri India, lada kane ka trei kam baroh ki jingsiew jingtad kan long beit online lyngba jong ki kor computer, kane ka e.CST services kan long ka jinghikai ia ki nongkhaii ba kin tip lada ka GST kan trei kam.
Kumba ka long mynta na ka liang jong ka tand lum khajana jong ka sorkar ka dang lah ban pyntrei kam ia kane ka e.CST tang ha kaba ai ia ki C-Form namar ha kane ka bynta kumba 95% ki nongkhaii ki don katba ia kiwei ki rukom siew ia ka khajana pat dang shah ba kin leit hi sha ki ophis ban pyndep ia kiba don kam.(SP News)
