Shillong, Jylliew 22: Ban wanrah ia ka jingsngewthuh kaba janai ha ki briew kumno ban tei ia ki iing ki sem ki jong ki ban iada na ka jingkhynniuh Jumai la pynlong mynta ka sngi ha Sohra. Kane ka jinghikai kan neh na ka bynta ar taiew.
Kane ka jingai jinghikai la sdang ha ka 17 tarik mynta u bnai bad la pynkut mynta ka sngi. Ia kane ka jinghikai la bei pisa da ka Meghalaya Basin Development Authority.
U Deputy Commissioner jong ka East Khasi Hills u Sanjay Goyal u la ong ba ia ka jingleh jong ka mariang yn nym don ba lah ban pynsangeh ia ka. Kane ka jinghikai ka long ba sngewthuh ba kumno ban ia da namar kane ka jylla Meghalaya ka don ha ka jingiaid lynti jong u Jumai.
Ha ka juh ka por na ka liang jong u Director ka National Institute of Technology u Prof DK Saikia u la ong ba kum kane ka jinghikai ka dei ka sien kaba nyngkong ba la shimti da kane ka NIT Sohra. Ha kane ka sngi ki la don ruh kiwei kiwei ki heh sorkar kiba la kren ha kane ka jingpynkut ia kane ka jingai jinghikai.(SP News)
