Shillong,kyllalyngkot,30: Ha kane ka sngi u Bah P T Sawkmie uba long u MLA barim jong ka Mawlai haba ai jingkren kum u kongsan ula ong ba u sngewtynnad ba ka KSU jong ka Mawlai Mawtawar ka sdang ia kane kam da kaba ai khusnam sha ki khynnah samla kum ka jingai mynsiem ba ki dang iai trei shitom bad nang kiew ha ki jingpule khnang ba ka jaitbynriew kan dang ia beh thong bad kiew ha ki jing pule kum kiwei pat ki jylla jong ka ri India.
Haba don ka mon ym don jingeh ban trei ia kano kano ka kam ki jingeh ki wan man ka sngi hynrei dei ban long kiba trei shitom bad iai neh ha ki kam,ki briew kiba don ia ka sap ban trei ha kano kano ka kam ki kiew kat dang mih ki sngi ryngkat ka jingtrei shitom bad jingiai shah.
Ki khynnah pule mynta ki don bha ia ka lad ban pule namar na ka liang ka sorkar ruh ka pynshlur ia ki khynnah pule da kaba ai ia ki skim kum Sarsa Abhisha bad na ka liang jong ka shnong ka thaw ki seng bhalang bapher ruh ki pynshlur ia ki khynnah mynta ,hynrei kaba kongsan ka long ban trei shitom na lade namar ka jingnang jingstad kaba na lade ka ai jingkyrmen ia ka lawei ban ieng ha la ki jong ki kjat.(SP news)
