Tura, Nailur 28: Ka India Youth Conggress kaba dei na Garo Hills ka la ai ka jingkyrshan pura ia u myntri rangbah ka jylla u Dr Mukul Sangma ha kaba ia dei bad ka nongrim kaba ka sorkar ka iieng halor ka ILP. U Genenral Secretary jong ka IYC u T G Momin u la ong ba ka ILP kan nym lah ban iarap ha kaba khanglad ia ka jingwan tuid ki briew kiba na bar.
Na ka liang jong u tei u nongialam ka IYC u la ong ba ia ka ILP la pyndon kam tang ha ki katto kante tylli ki jaka kiba don kam na ka bynta ban iada ia ka RI. Ka dei ka jingshisha ba dei ban leh ei ei ban khanglad ia ka jingwan tuid jong ki briew kiba na bar hynrei ym tang da ka ILP hynrei ki don kiwei pat ki lad kaba ka sorkar ka dei ban pyntrei kam.
Ha ka juh ka por u Momin u la ong ba ka ei ka jingmyntoi ban pyntrei kam ia ka ILP ha kaba ha West Garo Hills ym lah ban leh ei ei shuh lane ban iada. Wat la kane ka phang ka la pynkhih win ia ka jylla khatam ha Khasi Hills kaba la wan ruh ia ki jingiakhih kaba ki seng bhalang ki la pynlong.
U Momin u la kynnoh ba kane ka jingiakhih baroh ka dei tang ka buit ban pynkhyllem ia ka sorkar kaba la ialam da u Dr Mukul Sangma. Ka ILP ka dei ka bynta jong ka sorkar pdeng ha kaba ka sorkar jylla kan nymlah ban leh ei ei namar ia ka rai hap ban shim da ka sorkar pdeng.(SP News)
