Shillong, Nailar 19: U Lat ka jylla Meghalaya Dr K K Paul u la ai ia ka jingmynjur ka jong u ban shna ia ka tand Directorate of Anti-Infiltration, Meghalaya bad ka ophis ba ha khliehduh ka jong ka kan don ha ka nongbah Shillong.
Kane ka long katkum ka jingpyntip jong ka Commissioner bad Secretary ka tand kam poh iing jong ka sorkar jylla.
Katkum katei ka jingai jingmynjur jong u Lar ia kane ka tand kaba thymmai yn khlieh da u briew u ba dei na ka tnad pulit bad ka kyrdan jong u kam dei ban duna ia ka kyrdan Additional Director General ha ki pulit lane u ba la dei na ka kyrdan Inspector General ha ki Police.
Kane ka tnad sorkar kaba thymmai ka long thik tang ban peit ia ka jingwan tuid jong ki mynder ri na shabar jong u pud u sam jong ka Ri India.(SP News)
