Guwahati, July 15: Ka International Fund for Animal Welfare Wildlife Trust of India (IFAW-WTI) ka la ai 35 ki liengkynda sha ka Kaziranga National Park kum ka jingiarap ban ai iaka jingpahara kaba biang ia kane ka jaka ban leit naka jingshah pyniap ia ki marad kiba donha kane ka jaka .
Na ka liang jong ka UNESCO ka la iathuh ia kane ka jaka kum ka “World Heritage” ka jaka ba don ki mrad kham tam eh u mrad shi reng ia u ba la tip kum u rhinoceros. Kumba 70% na ki jaid mrad ha ka pyrthei ki don ha kane ka jaka. Ka jingai ia kine ki lieng kynda ka long ban para kham bha ia kane ka jaka.
U Ranjit Saikia, u nongialam jong ki nongap ia kane ka jaka u la ong da ka jingdon ia kine ki lieng mynta kan iarap ia ki ban pynlait im ia ki mrad kiba sah kut hapdeng jong ka um. Kumba ka long ha u snem ba la dep namar bay m biang ki lieng bun na ki mrad ki la shu iap ei namar ym don lad don lynti ban rah ia ki.
Na ka liang jong u N.K. Vasu, Chief Conservator of Forest u ba long ruh u Director jong ka Kaziranga National Park u la pynpaw ia ka jingsngewnguh ia ka WTI ba ka la lah ban ai ia kane ka jingiarap ia kane ka jaka.
Ka Kaziranga National park ka don ha ki bynta ba madan jong ka wah Barmaputra dei na kata ka daw tang la slap ka la don ka jingslei um bad ka jingdfon ia kine lieng kan ia rap shibunha kaba pynlait im ia ki mrad ban behkrad ia ki nongsait mrad.(SP News)
