Jowai, Nohprah 25: : kat kum ka kyrwoh kaba la pyllait paidbah da u Chairman ka Hynniewtrep People Libration Front (HPLF) u bah J.D Thangkiew u la ong ba ka seng ka ai khublei Khrismas kaba kyrpang bad kum juh ruh ka snem kaba thymmai ia baroh ki khun ka Bri U Hynniewtrep Hynniew Skum.
Ka seng ka ai khublei Christmas bad snem thymmai basuk bakmen ia phi baroh ki khun ki hajar jong ka bri u hynniewtrep hynniew Skum ba lyngba kane ka jinglehniam ba shisien shisnem da ki pait khristan jong ka jylla, kyrmen ba ka nguh ka dem Blei kan long ka jingkyrkhu ia ki pait ka bri u hynniewtrep hynniew Skum ba kin ioh ka met ka phad kaba khlain bad ba phuh ba phieng lyngba ka roi ka par bad ka jingsuk ha ka mynsiem kymjuh ia ka Jylla
hi baroh kawei.
U bah Thangkiew haba kren u la ong ba ai kane ka jinglehkmen kan nym pynmih kino kino ki kam ia huri hura hynrei ai ba kane ka jinglehkmen Khrismas bad Snem Thymmai kan long ka jingsuk bad jingkmen ia ka ka Ri bad ka Jaidbynriew ka jong ngi.
Ka Seng da ka mynsiem jong ka jingieit bad jingsngew rit ka pynpaw ia ka jing iakmen lang bad phi ki khun ki hajar khristan jong ka Jylla ba phin nang kiew sha khmat ha ka tip briew tip Blei bad ban ieit bad burom ia ka jingsuk ha kum kane ka por.(SP News)
