Jowai, Rymphang 15: Ki Ar tylli ki Sengbhalang jongka Rilum Jaintia ka Jaintia Students’ Union (JSU) bad ka Jaintia Youth Federation (JYF) ki pynpaw iaka
jingiaroh iaki pulit jongka Jowai Pilice Station khamtam eh ia u SP jongka West Jaintia Hills Bah H.G Lyngdoh kiba la shim khia ban tohkit ha ka ba ia dei bad ka jingpyndonkam bakla u CEM JHADC ia ka pisa paitbah kaba la kot haduh 1.18 klur tyngka kaba dei ka Discretionary Grant bad ruh ka Gratuity Relief, kumjuh da kaba Register case pyrshah ia u Madonbai Rymbai (CEM ka JHADC) ha ryngkat ki hynriew tylli ki kyndon Ain halor ki kam bymman ki jongu da ka jingsei tuh iaka Pisa haka kyrteng jong ki katto katne ki briew napoh ka MDC Constituency jong u bad kiwei kiwei ki jingleh donbor ki jongu kiba long pyrshah iaka ain.
Kumjuh ruh na ka liang ki Ar Seng ka JSU bad ka JYF ki pynrem jur iaka jingpynmih khubor ka seng AJYWO kaba la kren lamwir lamtham ha kaba ia dei bad ka jingjia ha District Council da ka ba kren sarong bad khyllew da kaba ai iaka Heading ” Yn bud dien ka AJYWO halor ka jingkynnoh bam pisa ha JHADC”. Ha ka juh ka por ka AJYWO kala ong ruh ba kan bud dien haduh ban da ioh ia ki jingshisha.
Na ka liang ka JSU bad JYF ki la pynrem jur ia kane ka jingpynmih khubor khlem nongrim kaba la ialam ba kla ia ki paidbah haduh katta katta. kumno u ne u nongialam jong AJYWO u shu kren khlem pyrkhat, haba ka RTI kaba la pan da ka Kong Arlin Dkhar ka lah don, hato kam dei ka jingshisha? Hato ka RTI Report kam dei ka sakhi sabut ban pynshisha iaka jingbam klop U CEM iaka pisa jong u paitbah?. Sa kaei pat kata ka AJYWO kan pynshisha? I mat u M.H Dkhar president AJYWO un shim hi iaka ain ha kti ban tohkit ia kane ba un lap iaka jingshisha? Lane u dei uba halor duh wat iaki pulit bad ia ka Court ruh? Ha ka juh ka por imat ka AJYWO kam shaniah mo wat iaki nongthoh khubor ruh?.
U nongialam jong ka AJYWO u dei ban pyrkhat shwa arsien hashwa ba un kren khyllew ialade kum u nongialam sengbhalang, lym kumta ka RTI kaba la ioh da ka kong Arlin Dkhar na ka office jong u PIO jong ka JHADC, kam pat dei ka ba biang mo ha khmat u MH Dkhar ba u kren sarong ban buddien haduh ban da lap ia ki jingshisha, haba ki pulit ki lah dep ban register case pyrshah ia u CEM JHADC daka ba pynhap ia u ha ki
kyndon bapher bapher jong ka ain.
Na ka ta ka daw ba ka RTI kaba dei ka lad ban wad jingtip ia la ka jong ka hok, na ka liang ki pulit ruh ki sngewthuh ba u Ma Madonbai Rymbai u la pyndonkam bakla ia ka pisa jong ki paitbah kumta ki la Register Case noh pyrshah ia u CEM ka JHADC.
Ki paidbah kim dei ban sngewthuh bakla ba kane ka jingkynnoh bam klop jong u
CEM ka JHADC iaka Pisa jongki Paidbah ba ka dei tang ka jing kynnoh. Hynrei na ka liang ki nongialm jongka JSU bad ka JYF kila kubur ba kane ka dei ka jingshisha ym tang ka jingkynnoh, bad ym dei ban shah ialam bakla ha kane ka jingpynmih khubor ka AJYWO kaba dei tang ka khubor pyllait jinghaw bad kwah burom. Lada don kiba kwah ban pynshisha ki lah ban ia kynduh iaki nongialam jong ki ar seng.
Kumta sa shisien na ka liang ka JSU & JYF ki kyntu jur iaki pulit ban kem shisyndon ia U CEM ka JHADC ma Madon Bai Rymbai bad bishar katkum ka ain khnang ba ki paidbah kin ioh iaka hok.(SP News)
