Shillong, Kyllalyngkot 06: ka shnong mairangbah ka ai Khublei kyrpang ia i heprit Silviana L.Mawlong iba dang 11 snem ka rta khun jong U Bah Bobby Basaiawmoit bad Kong Aba L.Mawlong iba na ka Shnong Mairangbah halor jinglah jong i ban pynpaw iala ka jong ka sap ka talen haka jingleit iakob shad bad ka jinglah jong i ban lait ia ki Audition jong ka Dance India Dance little Master Season 3 kaba la long ha kolkota haka 3rd Jan 2014 bad 4th jan 2014.
U Sordar jong ka Shnong Bah I.War bad U Genl.Secretary, Bah Pyniar L.Mawlong ki ai jingkitbok kitrwiang bad ka jingkyrkhu kyrdoh na ka bynta ka jingshah jied jong i Silviana L.MAwlong sha ka Studio Round ha kaba i hap ban ia knieh iaka Silver Wing ha ka 7th Jan 2014 ha Kolkota ha shwa ban leit sha ka Mega Audition ka ban long ha Mumbai.ka Shnong hadien bala iohjingtip lyngba ka phone na u kpa jong i,
Ka Shnong ka dap da ka jingsngewkmen kaba khraw bad ka jingsngewsarong namar la sngewthuh ba dei tang ma i hi marwei iba la lah ban poi shaduh kane ka kyrdan napdeng ki nongiahimbynta kiba napoh ka jylla jong ngi. Ha kajuh kapor ruh ka Shnong ka ai mynsiem ia I ba in nangtrei shitom shuh shuh khnang ba in lah ban wanrah ia ka jingjop bad ka burom iaka shnong bad ia ka jylla hi baroh kawei.(SP News)
