Shillong, Nohprah 08: ka kynhun Meghalaya Right to Information Movement (MRTIM) ka la phah ia ka jingai khublei kaba kyrpang ia u Arvind Kejriwal nongialam jong ka seng Aam Aadmi Party uba la pynrem kput ia ka seng Congress ha Delhi da ka jingialeh pyrshah ka jong u ia ki kam bamsap ha kane ka Ri.
U Arvind ia u ba la khot ieit ia u “ Bah Arvind” ha ka jingwan ka jong ha Shillong ha ki ar sien wan ka jong u ha u snem 2004 bad 2010 , u la trei shitom ban ia khun pyrshah ia ki kam bamsap u la wanrah ia ka jingkylla kaba khraw ha ka nongbah Delhi da kaba jop ha kane ka elelction kum ka seng.
Ka seng AAP ka la ia khun tyngeh ban pynsngewthuh ia ki briew ha kaba ia dei bad ki kam bamsap bad ia kane dei ban rat dingkhong bad ia kane lah ban leh da ka jingsngewthuh jong ki paidbah ban wanrah ia ka jingkylla ha ka sain pyrthei.
Haba phai sha kane ka jylla Meghalaya, ka jylla kaba dap tang da ki jingshah kynnoh bamsap, na ka liang jong ka sorkar ka dei ban sngewthuh mynta ba ka dei ban sangeh noh ka jingkynnoh pyrshah ia ki seng bhalang hynrei ka dei ban leh ei ei noh ban wanrah ia ka jingkylla ha ka synsahr khaddar na ka bynta ka jingbha jong u paidbah.(SP News)
