Shillong, Naiwieng 05: Ka Dorbar Ki Khlieh Nongsynshar Ka Ri Hynniewtrep, ka ai khublei ia u Bah Pynshngain N Syiem, CEM, KHADC bad ia ki dkhot jong ka KHUDA halor ka jingmynjur ban buh teng shwa ia ka KHAD (Village Administration Bill) 2013
Ki ba bun ki Syiem, ki Myntri, ki Sirdar, ki Rangbah Shnong, mar ia tip ba la pynsangeh shwa ki la phone bad kyrpad ia ngi ban pynpaw na ka liang ka Dorbar ka jingsngewnguh kaba kyrpang ia u Bah Lambor Malyniang, MDC, Nongkrem, uba la la ieng rangbah ban rah ia ka jingtyrwa ban pynbeit biang (AMEND) bad ban pynsangeh noh shwa ia katei ka KHAD (Village Administration) Bill 2013 khnang ban ioh ia khmih bniah ba kan nym long kaba ktah kylla ia ka hok ki jingsynshar tynrai. Ngi ai khublei ruh ia baroh ki MDC kiba la ai jingkren halor katei ka phang hapoh ka Council Session kaba mynta ka sngi 4 tarik November 2013
Ha ka juh ka por ka Dorbar Ka iai kyntu ia ki bor KHADC ba kin thaw ki lad ki lynti ban pynmih bad pynjari ia ka Act ki Rule jong ki 54 Hima /Elaka ba kan long la ka jong ka jong katkum ki Riti ki Dustur kiba don ha la ki jong ki jong ki Shnong, Raid bad Dorbar Hima.(SP News)
