Shillong, Nailar 07: Da kajingbym hun ia kaei kaba ka tand pulit ka leh ha kaba ia dei bad ia dei bad ka jingthung kam hapoh ka 6th th Battalion jong ka jylla Meghalaya, Hynñiewtrep National Youth Federation (HNYF) mynta ka sngi ka la ai por ia ka sorkar 24 kynta ba ka dei ban pynsangeh noh ia ka personal interview hapoh katei ka tnad pulit.
Haba kren ha ki nongthoh khubor u publicity secretary jong ka seng u Bah Donbor Dkhar, ha ka jingiadon lang ki kmie ki kpa jong kito ki khynnah kiba ia khun ha kane ka jingkwah rung kam hapoh ka tnad pulit , u la ong ba kumno kata ka jingkhot thungkam tang ia kiba ioh bun ka marak.
Ha ka juh ka por ki samla kiba la pass ia ka examin ki don palat 1000 ngut kaba la pynlong ha ka 15 tarik jong u bnai Jylliew mynta u snem, kiba la kyntup lang ia ki AB bad ia ki UB ha kane ka 6th battalion ha kaba la kdew ha ka website jongka tnad pulit ba kala ong ba tang 400 ngut lajied ha kawei ka kynhun bad kane ka la buh ia ki samla wad kam ha ka jingeh.
U Bah M Dhar, u kpa jong u wei na ki samla u ba la apply ia kane ka kam pulit u la ong ha ka por ba u leit ban kylli la ong ba tang kito kiba ioh bun ka mark ki la shah jied bad kane ka la buh ka jingartatien ba kumno kata ka lah ban long. Katba u Niswas Dkhar u la kynnoh ba dei tang kito kiba don jingiadei ha ka sian pyrthei ki la shah jied.
U Bah Donbor Dkhar Publicity Secretary jong ka HNYF u la ong ba ki la pan ba ki kwah ban ia kynduh ia ka myntri kampoh iing ka jylla hynrei ka kong Roshan Warjri ka la kyntait. Na ka liang jong ka seng kan shong kli kti hynrei kan ialeh pyrshah ia kane ka jingleh jong ka sorkar.(SP News)
