Shillong,Nailur,28:Ka BSF Wives Welfare Associatoin(BWWA)
kala pynlong iaka jingai snam ei, ia kane la pynlong ha NEIGRIHMS Hospital, Shillong.Kane ka jingai snam ei da ki hipai BSF la sdang naduh u snem 1992 bad ki dang iai bteng haduh mynta.
Ka Vijay Lashmi Singh, kaba dei ka president ba shipor jong ka BWWA ka la ai khublei ia ki heh shipai jong ki BSF kiba la kloi ban ia shnot kti lang ha kane ka kam kaba kongsan ban ai ia ka snam jong ki.
Ia kane ka jingai snam ei la pynlong hapdeng ka jingiatreilang ka BWWA bad ka Blood Bank department jong ka NEIGRIHMS. Kane ka kam kaba la leh da ka BWWA ka dei ban ai jingiaroh.
U Dr. L .Lyngdoh uba dei peit ia ka Blood Bank jong katei ka Hospital u la ong ba ka long kaba don kam ia ki briew ba kin noh syniang ia ka snam jong kin a ka bnynta ban pynlait im ia ki briew kiba don kam kyrkieh ia ka snam.
Katei ka heh duh jong ka seng BWWA ka la ai ka burom ia ki shipai BSF kiba la aiti bad len lade na ka bynta ban iaida ia u pud u sam jong ka Ri India, bad kane ka kam ai snam kadei shibynta ka kam leh isynei ia kiba duk ba rangli.
Baroh kiba la wan sha khmat ban ai ia ka snam kajong ki ki long 36 ngut ki shipai. Ha dien ba la dep ai ia ka snam la ai jingbam ia kine ki shipai.(SP News)
