Shillong, Lber 06: U President jong ka NPP ka jylla Meghalaya u Dr Kharlukhi mynta ka sngi u la aiti ia ka shithi iehnoh kam sha u president jong ka NPP u Purno A Sangma. Kane ka jinghiar shuki ka jong u ka long ban shim ia ka jingkit khlieh kum u nongialam jong ka party ha kaba ia dei bad ka jingrem jong ka seng ha ka election kaba la dep.
Na ka liang jong u nongialam ka liang pyrshah ba mynshuwa u Conrad K Sangma haba kren ha ki nongthoh khubor ha Shillong u la ong ba ka seng ka la ia kren ia bun ki kam bynta ha kaba ia dei bad ka jingshah rem jong ka seng ha ka election kaba la dep.
Na ka liang jong une u nongalam u la ong ba ha kane ka election kaba mynta bun na ki heh spah kila ia khuh ia ka election bad ki la jop bad kane ka kren shai kdar ba ka jingpyndon kam da ka bor jong ka tyngka kala trei kam ha kane ka election kaba la dep.
Haba ia dei bad ki kor EVM na ka liang jong U tei u nongialam jong ka seng NPP u la ong ba ka seng kam don ei ei ban ong namar ki kim shym pyrshah ia kine ki kor thep vote. Hynrei u la ong ba wat la u la shah rem ha kane ka election hynrei ka jingtrei na ka bynta jong ki paidbah kan dang iai bteng.(SP News)
