Tura, Naiwieng 05: Mynta ka sngi ki suba lehnoh GNLA kiba la ap ktem, ki la siat na phang ia ka kali pulit kaba mih na Baghmara ban leit sha Tura ban kit ia u wei u koidi. Yn da poi ha ka shnong Bajangkona ha jan Sibari ha Gasuapara ki lehnoh ki la sait na phang bad kane ka jingjia san ngut ki pulit ki la duh ei ia la ka jong ka jingim.
Kine ki san ngut kiba la khlad la tip kum u Hawaldar Dandiram Marak BNC 607, Bipul Rabha BNC 741, Marshanstar Nongdhar jong ka 5th platoon jong ka 3rd MLP, Camp Baghmara bad kiwei kid ei West Garo Hills District police force, bad ia kine la tip kum u Bah Lyngkhlem u nongniah ia ka kali bad u Rakki Sangma uba dei ub Constable.
Ha ka juh ka por na ka liang jong ki lehnoh ki la shim noh na ki pulit lai tylli ki riffle SLR, kawei ka AK47 bad kawei ka suloi ba khlain bor ia kaba la tip kum ka Insas. Kane ka dei ka jingjia kaba nyngkong eh ha ka jylla ha kaba haduh san ngut ki pulit ki la duh ei ia la ka jong ka jingim ha ka jingshah ther kuli ha ki lehnoh.
Kat haduh ba thoh ia kane ka khubor la ong ba la phah pulit shuh shuh ha katei ka jaka bad ka jingkhynra ia ki lehnoh ka dang iaid sha khmat.(SP News)
