Shillong, Nohprah 14:Ka long ka jingkmen ia ka Shnong Rongmesek kaba la ioh ban plie ia ka iing Aganwadi na bynta ban shet bam ia ki khynnah da ka jingiarap pisa ka tnad Social Welfare ka sorkar jylla.
Kaba la shna ha ka jinglut kaba T.1,75,00 ryngkat ka jingiarap ka shnong la lah ban pynbit pynbiang ha ka rukom kaba itynnad, kata na bynta ba buh ia ki tiar ki marbam bad kumjuh ban ban shet.
Ia katei ka iing la plie da u bah Kenedy Khriem, Parliamentary Secretary ka sorkar jylla bad u Dr C Lyngdoh MLA ha ryngkat ka jingdonlang ki ophisar ka tnad Social Welfare bad ki riew rangbah ka shnong hynne ka sngi Palei.
Kitei ki rangbah ki la kmen ba ka shnong ka la ioh ia kane ka iing na bynta ki khynnah bad ki dei ban sumar ia kan kum ka iing lajong na bynta ka lawei ki khynnah.
Cap-U Bah John Kenedy Khriem bad u Dr C Lyngdoh katba ki dang plie ia ka iing Aganwadi. SP News)
