Shillong, Nohprah 07: Ha ka jingjia ba sngewsih kaba la jia ha Briwar ha kaba san ngut ki nong bylla tih dewiong ki duh ei ia la ka jong ka jingim tang ka daw ba ka hap ka ruhnar ba sei ia u dewiong na thliew kaba jrong kumba 200 meter ei ei.
Katkum ka khubor pulit la ong ba ka jinghap jong kane ka ruh nar ka dei na ka daw ba u ksainar ba pyniaid u la lait bad ka la leit ban lynshop ha kine ki nongtrei kiba don ha trai jong kane ka thliew.
La ong ba kine kiba iap baroh san ngut ki tip ia ka kyrteng jong ki bad kita ki long u, Harkeshwar Boro, Balen Bharali, Buhu Boro, Takendwar Kumar bad Kanta Boro kine baroh san ngut ki la iap ha juh.
Na ka liang jong ki pulit ki la pyndep ia ki jingdon kam baroh katkum ka ain bad ha ka juh ka por ki la pynlong ia ka jingtohkit ban lap ia ka jingshisha baroh ong ka khubor pulit.(SP News)
