Shillong, Naiwieng 11: Ki Company kiba pyntrei ia ki jingtei bapher bapher ha Garo Hills mynta kila sdang ban mih noh na Ri Lum Garo na ka daw jong ka jingshah dawa pisa ha ki seng lehnoh bapher bapher kiba don ha katei ka thain.
U Chief Engineer jong ka tnad shna surok jong ka PWD, u CW Momin u la ong ba ka don kawei ka kompeni kaba trei ha ka surok ban leit na Williamnagar sha Tura ka la pyntip baki la hap ban ieh ia ka jingtrei na ka daw jong ka jingshah dawa pisa.
Haba kren ha u SP News Agency u la ong ba haduh mynta ka tand shna surok ka dang shu ioh ia kane ka jingpyntip tang ka ka ktien, hynrei kim pat ioh da ka jingthoh na ka company. Hynrei ka jingshisha ka logn ba bun na ki jingtrei ki la shah ktah ha ri lum garo.
Ka jingsdang mih noh ki company na Garo Hills ka long na ka daw ba ki syier ha kane ka jingshah dawa pisa ha ki seng lehnoh. Kaei kaba jia mynta ha Garo Hills ka long ba ki kam pynroi baroh ki shah ktah lut.(SP News)
