Shillong, Jylliew 09:Ka seng Jiantia Coal Miners and dealers Association (JCMDA) ka la phah da ka jingthoh sha ka myntri kam poh iing jong ka jylla ban dawa na ka sorkar ba ka dei ban phah shuh ki pulit sha Jaintia Hills ban iada ia ki paidbah na ka jingshah rahbor ha ki riew sniew.
Na ka liang jong ka seng ha ka shithi kaba la phah sha ka myntri kam poh iing ka la kdew ba ha kine ki khyndait bnai kiba la dep palat san ngut na ki riew paidbah ki la shah rah bor bad shah dawa pisa na kiba ha iing ha sem.
Kine ki riew sniew ha dien ba ki la rah bor ki phone sha kiba ha iing ban dawa da ka dor kaba heh ban pynlait ia ki bashah rahbor. La ong kane ka seng jong ki nongkhaii dewiong na Jaintia Hills.
Ki briew kiba don ha kitei ki jaka ba mih dewiong ki im ha ka jingshong syier namar ba kim lah ban tip kaei kaban jia ia ki. Ki la kyntu ia ka myntri kam poh iing ba ka dei ban peit ia kane ka kam bad lada long kaba lah ban pynduh jait ia kine ki riew sniew.(SP News)
