Jowai, Naitung 26: Ka Jaintia Students’ Union (JSU) hadien ba la dep pyllong iaka jingialang paidbah ha ka 25/07/13 ha iew musiang jowai ban pynshaipaitbah halor ki 3 lai tylli ki mat jing dawa jong ka kata ban kyntiewkyrdan iaka Jowai Civil Hospital, ban buh iaka Blood Bank ha jowai badban pyntreikam noh iaka District Civil Hospital kaba don haka ShnongIalong. Mynta ka sngi pat hadien ka jingiakynduh ba kyrkieh kinongialam ka la shim iaka rai ban khot daka pakhang shnong kaba 22kynta kaban sdang naduh ka 8 baje janmiet jongka 1st Nailar 2013 badkut haka 2nd August 2013 namar ka jingmynthi jongka sorkar halor kineki lai tylli ki mat jingdawa kiba donkam kyrkih hapoh ka Rilum jaintiabaroh kawei.
Na kaliang ki nongialam jongka JSU haba pyllait ia kane ka khubor kila kren shai ba ka Union kam shaniah shuh tang iaka jingleit jngoh ia kine ki ar tylli ki hospital kumjuh iaka Bloodbank hynrei la dawa beit ban pyni daka kam da kaba pynurlong ia kine ki jingdawa. “ ngi la shah thok bad shah pynbiej ha u Dr. Mukul sangma bad mynta ngim kwah shuh ba ka Jaitbynriew jongngi kan dang shah thok bad shah pynbiej”
ong u Samla Emperor Bareh General secretary JSU. Haba nujor ia kiwei pat ki District jongka jylla Meghalaya ngi ioh i ba ka sorkar kala leh shiliang khmat bad niewbein palat iaka Ri lum Jaintia kumta ka por kala ih ia ngi ban ieng tylli kawei ban ialeh naka bynta ka hok kaba ngi dei ban ioh bynrap shuh shuh une u nongialam.
Kumta da kawei ka sur naka liang ka Union ka buh iaka jingkyrpad iabaroh ki nongshong shnong jongka Ri lum jaintia naduh ki nongshongiew, nong die dukan, ki kali kamai bad baroh ki nongshong shnong ban
ai iaka jingiatrei lang bad ban iaishah khnang ba kan ym mih kano kano ka jingsngewsih bad ha ka juh ka por ngi dup lah ruh ban ioh ia u soh jonghka jingjop.
Kane ka pakhang shong bala khot daka JSU kan treikam ha baroh kawei ka Rilum Jaintia (East & West Jaintia Hills district) bad hapoh kine ki kynta pakhang shnong la shah ban iaid tang iaki kali ba kit nongpang (Ambulance) bad ki nongthoh khubor. Pynkut ka kyrwoh na ka Union.(SP News)
