Jowai Jylliew 23: Ka CEC jongka Jaintia Students’ Union (JSU) kaba la shong mynhynnienka sngi 22/06/2013 da kawei ka jingmut ka la shim iaka rai ban khot noh daka pakhang surok miet kaba haduh lai miet kynthih kata haka miet 26, 27 bad 28 tarik une u bnai (26,27 & 28 June 2013) kaban sdang
naduh ka por 7 baje mynmiet bad kut haka por 5 baje mynstep, kum ka dak ban pynpaw iaka jingpyrshah halor ka jingmynthi jongka Sorkar halor ki lai tylli ki mat jingdawa ka Union kiba dei naka bynta ka im ka iap jong u paid nongshongshnong ha baroh kawei ka Ri lum Jaintia.
Kum ban shu pynkynmaw, ka Jaintia Students’ Union kala dawa daki bun bun snem naka sorkar naduh ki nongialam kiba la dep khamtam ban wanrah iaka Blood Bank ha Jowai Civil Hospital, hynrei hduh kane ka khylliap mat ka sorkar kam patiaw ei ei ruh em. Ia kane la pynshisha kat kum ki shithi bala dep aiti sha Ki Chief Minister bapher bapher katkum kine ki shithi harum. 1. JSU/CB/2002/03/01 Dated Jowai, the 1st March 2002 2. JSU/CB/F1/08-09/07 Dated, 16th January 2009 3. JSU/CB/F2/Gen/2008-09/28 Dated, 23rd June 2009 4. JSU/CB/F3/Gen/2009-10/57 Dated, 24th November 2010 5. JSU/CB/F4/Gen/2010-11/86 Dated, 03rd June 2011 6. JSU/CB/F3/Gen/2010-11/188 Dated, 05th September 2011 Na ka liang ka JSU kala pynpaw ruh ba ymdei tangki shithi hynrei la ia
kynduh bun sien ia ki bor ba halor kata naduh ki Commissioner Secretary, Minister I/c Health ter ter haduh ki Chief Minister bapher, hynrei kane ka jingai jingthoh bad ka jingiakynduh ka long
kamkai suda. Kaba sngewsih eh ka long ba haka jingiakynduh ia u Dr.Mukul Sangma haka 6th Sept 2011 u la kular ban pynioh kyrkieh iaka Blood bank namar da ladeu ong ba kane ka dei kaba donkam eh, bad haka taiew ba ar jong u bnai September 2011 u la leit jongoh iaka Civil Hospital Jowai bad btah ia u Superintendent ban pynbiang ia baroh ki jingdonkam. Hynrei kane ruh kala long kamkai wad na ka liang ki bor jongka Hospital kila dep phah iaki jingduna baroh.
Naka por sha ka por, ki riew paidbah ki ia kynduh iaka jingeh bad jingsngewsih namar ka jingbym don Blood bank, bun ki mynsiem kiba kordor ki duh ei khamtam kiba wan na ki thain nongkyndong. Ymtang
katta ka jingkhapngiah ka Jowai Civil Hospital kaba tang 100 jingthiah ka long ka bymlah shu ban mut dur namar ki nongpang ki hap ban thiah ha ki Baranda, katno I sangsot ban peit ba ki nongpang ki hap ban
thiah ha madan, ka long ka bymlah ban mut dur ba kat ka Rilum jaintia kadon tang kawei ka Hospital Sorkar kata ruh tang 100 jingthiah.
Ha kawei pat ka liang ym lah ban tip kaei kaba don sha lyndet, ha kaba iaka Building ba thymmai jongka Civil hospital kaba don ha ka Shnong Ialong kaba la dep ban tei naduh u snem 2010 tad haduh mynta ymlah ban pyntreikam, bad mynta kala sdang pynban ban kylla Iingjah. Kumta dei halor kine ki nongrim ba ka JSU kam banse shuh khlem da pynpaw iaka jingpyrshah iaka sorkar da ka jingiakhih hasdien ba la
kut ka jingaipor kaba 30 sngi namar ia kine ki lai tylli ki mat jingdawa kata ban buh iaka Blood bank ha Jowai Civil Hospital, ka jingkyntiew kyrdan iaka jowai Civil Hospital bad ban pyntreikam noh iaka Civil Hospital ha Ialong ka Sorkar kam leh ei ei ruh.
Kumta khatduh eh na ka liang ka JSU ka buh iaka jingkyrpad kaba khraw hakhmat jong u Paidbah ba bun ban lang ban long kiba iaishah bad ia snohkti lang ha kine ki lai miet khlem kano kano ka jingiapyrshah
khnang ban ngin ioh ia u soh jongka jingjop naka bynta ka im ka iap jongka ri bad ka jaitbynriew jongngi.
Na ka liang ka JSU kala pynbna ruh ba ha kine ki lai miet hapoh ki kynta pakhang surok yn ailad ban iaid tang iaki kali kit nongpang bad ki nongthoh khubor, bad lada don kino kino kiba ialeh pyrshah ka seng
kam don jingkit khlieh ei ei ruh em. Pynkut ka kyrwoh khubor na u President ka JSU.(SP News)
