Shillong, Iaiong 06: Ki samla kiba la pass ia ka examin ioh kam ha ka kyrdan Grade IV ki la rai ba kin pynlong ia ka jingiakhih ka jong kid a kaba shah thngan ha ka 9 tarik mynta u bnai na ka daw ba ka sorkar ka la kuman palat.
Ia kane la pyntip da u Bah T Mylliemgnap u wei na ki dkhot jong ka kynhun kiba la pass ia kane ka examin ha u snem 2011 ia kaba ka sorkar haduh mynta kam pat lah ban thung kam ia ki. Na ka liang jong ki ki dawa ba ka sorkar ka dei ban thung kam noh ia ki baroh lem kumta kin pynlong ia katei ka jingshah thngan.
Ki samla kiba la pass ia katei ka examin kiba khlem pat ioh kam baroh ki dang sah sa 209 ngut. Kine ki la rai ba ia kane ka jingshah thngan kin pynlong ha Madan Student ha Jaiaw bad kin sdang haduh ka por 10 baje mynstep.(SP News)
