Jowai, Naiwieng 24: Ka KSU Narpuh Circle mynhaka 22 tarik naiweng ryngkat ki nonthoh khubor ka
la leit ban jurip bad wad bniah iaki daw jong ka jing kylla rong ka wah Lukha kaba ka sdang kylla rong ha kine ki khyndiat sngi ba ladep, ha kane ka jingleit jurip la lap shisha ia ka jingkylla rong blue ka wah bad ki jingeh ba ki briew kiba shong shnong harud kane ka wah ki iakynduh ,ka jingkylla rong ka wah lukha kam dei ka sien kaba nyngkong kane ka jia manla u snem naduh u sem 2007 haduh mynta ka kynti la iathuh Siros Lamare President KSU Narpuh Circle.
kane ka jia shisen shisnem tang ha u ne u bnai,kane ka jingkylla rong blue ka wah Lukha ka wanrah ka jingma bad ka jingeh kaba khraw ia ki briew kiba shong haki shnong badon ha shilynter kane ka wah, namar ba kane ka um ka la kylla bih haka ba ki doh kha ki dohum dohwah kiba don ha kane ka wah kila iap lut kane ka lawan rah ka jingduhnong ruh ia kiba im na kane ka wah dakaba khwai dohkha. kaba pynjynjar sad ia ki briew kiba shong hajan kane ka wah ka long ba ka um kam long shuh ban dih ,ban saitjaiñ bad ban sum ruh ha kaba ki la hap ban thaw lad thaw lynti da kum wei pat ban ioh um tang bandih la ong u ma P Siangshai na Sunapur.
U ma Siros Lamare President KSU Narpuh Circle u la ong shuh shuh ba balei kane kala wan jia shisien shisnem haden bala don ki kharkhana dewbilat kata nadu u snem 2007 bad kaba lyngngoh ba balei ka wan jia kane ka jing kylla rong bad kylla bih kane ka wah tang ha kine ki bnai shisen shisnem kane ka pynsuba jur ba kadei naki jaboh ne jakhlia ba mih na ki kharkhana dewbilat ki ba don sha kane ka thaiñ ym kum ka kaiphot ka MSPCB kaba ong ha kine ki snem bala dep ba kadei naka um dewiong.
u da ong shuh shuh ba ngim lah banpdiang ia kane ka kaiphot namar lada dei naka um dewiong ka um kan kylla rong saw ne stem ym daka ba blue bad ruh lada dei na ka um dewiong kan long ka jingiap dohkha ha baroh shisnem ym kum kane kaba jia mynta kaba wan tang ha kito ki por ba ki pyllait iaki jakhlia shisen shisnem.
Ka seng ka kyntu iaka sorkar bakan tihbniah ia ki jingshisha bad leh iakaba don kam, kada dawa ruhba ka sorkar kadei ban ai da ka jongtohkit kaba laitluid (Independent Inquiry) ba kiwei kiwei ki kynhun ne ki department ki bymdon jingiadei badka sorkar kiba don ka jing shemphang hakane ka kam ki pynlong ka jingtih bniah banlap ia ka jingshisha.namar ba ngim shaniah tang iaka kaiphot ka MSPCB ka bymdon nongrim. Lada ka sokar kamleh iakane ngin wad dakiwei kilad kiba tyngeh. (SP News)
