Shillong, Risaw 01: Mynta ka miet ha ka por kumba 10 baje tam ei ei ki la don kumba hynrie ngut ki briew kiba la leit sha saw furlong bad ki la shah kynnoh ba ki thmu ban thang ia ka suma kaba don ha katei ka jaka.
Ha kane ka jingjia ki paidbah ki la ia mih bad ki la ia beh ia kine ki briew ha kane ka jingiabeh la ioh ban bat ia u wei na pdeng jong ki bad ki paibah ki la ia bom ia tied haduh ba une u la mynsaw jur.
Na ka liang jong ki pulit ki la leit bran bran sha katei ka jaka bad ki la ioh ban rah noh ia une u ba mynsaw bad ha ka jingtohkit ki pulit la lap ba une u ba mynsaw la tip kyrteng kum u Kmenlang Shylla na Nongrimbah.
Na ka daw jong ka jingmynsaw na ka liang jong ki pulit ki la pynkit ia u sha Civil Hospital ban phah sumar.(SP News)
