Ba kyntait ka sorkar ban pyntrei kam ia ka ILP yn shah thngan ka KHNAM

Shillong, Nailur 06: Ka seng sain pyrthei ka Khun Hynniewtrep National Awakening Movement (KHNAM) ha ka jingialang ba kyrkieh ka jong ka mynta ka sngi ka la shim ia ka rai ban pynlong da ka jingshah thngan ha ka 9 tarik mynta u bnai ha state central library naduh ka por 10 baje mynstep haduh 4 baje jan miet.

Ka KHNAM ka la shim ia kane ka rai ka long ban pyrshah ia ka rai jong ka sorkar ban nym pyntrei kam ia ka ILP ha kane ka jylla. Kawei pat ka jingpyrshah jong ka KHNAM ka long halor ka jingleh bym suid niew jong ka sorkar ia ki nonghikai ha kaba ki hap ban ia khih ban dawa ia ka hok ka jong ki.(SP News)