Shillong, Nailar 18: U Director General ba dei peit ia ka tand patok ha kane ka jylla U Prem Singh u la ong ba mynta ka sngi la wengkam shipor ia ki ar ngut ki nongtrei jong ka Tura Jail bad la beh kam shyndon ia u ba trei shipor.
Haba kren ha u SP News Agency na ka liang jong u DGP ba deipeit ia ki patokha kane ka jylla u la ong ban a ka liang jong ka tand sorkar kan sat hung ia ka kynhun tohkit ban tohkit ia kane ka jinglait phet jong u tei u lahnoh na katei ka patok ha Tura.
U Kennedy T Sangma u ba dei u commander jong ka seng GNLA u ba la shah pyngnat ha poh ka ain Meghalaya Prevention of Disruptive Activities (MPDA) Act. La rah ia u sha Tura ha u bnai Jymmang mynta u snem.
Ka jingpyrshang phet jong ki koidi na katei ka patok ka la dep jia ka long ha u snem 2009 ha kaba 13 ngut ki la pyrshang ban phet da kaba shoh bad dat ia ki nongtrei.Halor kane ka jingjia ha Tura na ka liang jong ka sorkar ka la beh kam shipor ia ar ngut ki nongtrei bad u wei la weng syndon u ba trei shipor.(SP News)
