Shillong, Naiwieng 19: Na ka daw jong ka jingbym shong suk shnong shngian ha ka jylla ki liang pyrshah mynta ka sngi hapoh jong ka Lama Meghalaya People Forum (MPF) ki la ia rai ba kin leit ban ia kynduh ia u Lat ka jylla u Dr K K Paul ban pynsngew ha u ia kaei kaba jia ha kane ka jylla ha kine ki ar bnai mynta.
U nongai ktien jong ka MPF u ba dei ruh working president jong ka UDP u bah paul Lyngdoh u la ong ba ki liang pyrshah kin leit ban ia kynduh ia u lat ban pynsngew ha u ia ka jinglong jong man jong ka shong suk shong sain ha ka jylla. Kumba ka long mynta na ka liang jong u Lat u tip ia kaei kaba jia tang na liang jong ka sorkar kaba long shiliang.
Na ka liang jong ki liang pyrshah haba ki shim ia kane ka rai kam dei ba ki kwah ban paw ba ki shim kabu ia kane k a jingjia la ong u Bah paul Lyngdoh. Ha ka juh ka por u la ong ba lada ka jingiakren bad u Lat ka jylla kam poi shaei shaei na ka liang jong ki liang pyrshah kin sa shim ia ki lad ki lynti ba kin nym shah kynnoh ba ki kwah ban pynkhyllem sorkar. Ka MPF ka don ka jingkyrmen ba u Lat ka jylla yn sa pyndon kam ia ka ophis jong u na ka bynta ki paidbah.
U James K Sangma MLA jong ka NPP u ba dei ruh u dkhot jong ka MPF u la ong ba ka jingshah rah bor jong ki nongkhaii ha Garo Hills dangshen ka la wanrah ia ka jingshong syier kaba khraw bad ka jingmih ki seng lehnoh ha Garo Hills ka long kaba la palat bad kane ka sorkar kam shym la leh ei ei na ka bynta kane.
U tei u MLA jong ka NPP u la ong ba ka jingmih kine ki seng lehnoh baroh kadei na ka daw ba ka sorkar kala bakla kumno ban ia leh pyrshah ia kid a kaba don ia u nongialam u bymler la ong u James bad kane ka jingiakhih baroh ka long ba kane ka sorkar kam shym la leh ei ei kumno ban poi sha ki seng bhalang kiba don ha ka jingiakhih mynta.(SP News)
