Tura,Nov 12: U myntri rangah ka jylla u la pynpaw ia ka jingbym hun ia ka jingshna ia ki surok ha ri lum garo kaba dei na Tura sha Garobada bad sha IB Garobada. U myntri rangbah u la ong ba ka sorkar jan nym shong kli kti ha kane ka bynta hynrei kan leh tyngeh ban pynshitom ia ki ba pyntrei ia kane ka kam.
Na ka liang jong myntri rangbah u la juh khot na ka por sha ka por ia ka jingialang ha kaba ia dei bad ka jingshna ia ka surok na Tura sha Ampati, naduh ka 103kn sha duh ka 133 km u la ong ba ka jingtrei ha kane ka jaka um shym la hun satia namar tang khyndait bnai ba la dep shna ka la jot noh.
U myntri rangbah u la ong ba ia u kontrator ba pyntrei ia kane ka surok la dei ban pynshitom bad dei ban pynshitom katkum ka ain bad la dei ban buh dak saw ia kine ki kontraktor kiba leh ia kane ka kam ban kin nym ioh kam ha kiwei pat ki jaka.
U myntri rangbah u la ong ba u la dep btah ia u Additional Chief Engineer jong ka Western Range ban khot ia ka jingialang bad u kontraktor ba pyntrei ia katei ka surok bad dei ban leh ei ei ban pynshitom tyngeh ia u kontraktor.
Ha ka juh ka porn a ka liang jong ka PWD ba dei peit ia ka surok ka la ai jinghikai ia ki trai jylla kiba trei bylla ha ka kam shna surok. Ia kane ka jingai jinghikai la pynlong ha Tura. La ong ba ki dei ban peit bha ia ka jingtrei bad ki dei ban pyndep ia kane hapoh ar taiew bad ki ai ia ka kaiphot sha u . U la ong ba ki Deputy Commissioner kin shim khia bha ha kaba ia dei bad ka jingshna ia ki surok.(SP News)
